(كعب الغزال ) معارضة
بقلمي @ سيد يوسف مرسي
أنا عمري ألآلي في الصحرة
ومشواريطويل
وأمشي وأهبط في الرملة
شمال ويمين
واصرخ من وجري واتنقل
وانده علي مين
لانا عارف شرقة من غربة
وأقول مسكين
وألف براسي وأدور
وازعل من نفسي المتغندر
وأروح جبال ما تتعمر
وأدفن أنفاسي في الضلمة
واكتم إحساسي وأقول بكرة
إمكن تتعدل بالمرة
وأشد لجامك يا حماري
وارحل للشجرة اللي انزرعت
وأشوف البيت اللي زرعها
ألاقي الدنيا بتطردني
وأقول أنا فين
أنا في واحد يفهمني
يمسكني في إيده يوصلني
ولا يفرط منديله ياخد أجرة
ولا يعوز مليم
كان نفسي في يوم أزرع زرعة
مليانة فواكه وفيها خضرة
وأربي مواشي وأجيب عنزة
تاكل برسيم
واشرب من المية اللي حدانا
ما النيل عطانا وهدانا
ما نروح نودي للصحرة
نحفر بايدينا كام ترعة
ونشق الترعة بقلوبنا
ونزرع بساتين
ونغطي الرملة بالخضرة
ونرش القمح فوق الترعة
ونضرب أمريكا بميت صرمة
ما دام اللقمة بقت حرة
ومفيش جعانين
أنا عمري ألآلي في الصحرة
ومشواري طويل
مين يمسك يدي ويقول يله
أقوله آمين***آمين
ليست هناك تعليقات:
إرسال تعليق