مساء الورد على الجميع...
مهم جداً ان نأخذ حذرنا عندما نفكر في الشراء عن طريق الانترنت...
وخاصة انهم يطلبون كل بياناتك الشخصية وارقام بطاقة الاعتماد اللي ممكن يكون في خطر انهم يسحبونها كلها عن طريق اختراق الموقع او شركة غير مضمونة...
في خطوات بقولكم عليها لازم تتأكدون منها قبل ماتشترون من اي موقع على الانترنت عشان تشترون بأمان ...
اول شي... استخدمي المواقع الآمنة الي تحفظ تفاصيل بطاقة الاعتماد وكيف تعرفين انه موقع آمن؟ .... فيه قفل صغير في أسفل برنامج التصفح تقريبا على اليمين لونه اصفر هذا يعني ان الموقع عليه حماية من اي اختراق او سرقات ... بالتالي هوثقة...
ثاني شي... هذي المواقع دايما تبدأ عناوينها بـ https والـ s تعني السلامة security
آخر شي: انتبهي كويس للشروط خاصة باللي يتعلق بالشحن والتسليم والضرائب وامكانية ارجاع المنتج اذا ماعجبك وتأكدي من ان كل البيانات اللي حطيتها صحيحة خاصة بيانات بطاقة الاعتماد والإيميل لانهم راح يراسلونك عليه عند اي استفسار...
هذي شروط مهمة لازم تتوافر في أي موقع بتشترين منه في الانترنت وفيها راح تحمين نفسك من اي سرقة او اختراق لمعلوماتك وبطاقة اعتمادك...
وآخيراً يفضل عند الشراء انك تستعملين الفيزا الخاصة بالانترنت وهي محدودة المبلغ عشان تشترين وانتي مطمئنة..
ليست هناك تعليقات:
إرسال تعليق