اليوم وصفتي لذيذة و الاغلبيه يحبوها الي هيا الكنتاكي وصفه مجربه ومضبوطة ميه بالميه و بعد ماتجربوها اعطيكم ضمان انكم ماعاد تروحون كنتاكي عشان تخسرون فلوسكم و تفضلو تاكلوها على طول بالبيت
الذ انظف اوفر
ترا الجمله الفوق متعوب عليها خخخخخخخخخخ
على بركة الله نبدا
المكونات صدور دجاج على حسب عدد الافراد
مقطعه طوليا او بالشكل الي تفضليه بس السمك يكون وسط يعني لا سميكه ولا نحيفه
البهارات عبارة عن فلفل اسود وملح و شطة اذا كنتو من عشاق الحار و علبة زبادي و ملعقتين طحينة و عصير ليمونة ونتبل بيهم الدجاج ونترك الخليط لمدة 3 ساعات بالثلاجه حتى يشترب الصلصه زين
نحتاج الى بقصم وكورن فليكس ينخلطو مع بعض مع اضافه قليل من الملح
طحين
بيض
نجي الحين نغمس قطعة الدجاج اول شي بالبيض بعدين الطحين و بعدين الكورن فليكس و نرصهم في صينيه و نخليهم بالفريز لمدة نصف ساعه
و نكون مسخنين زيت بكمية كبيرة يعني يغطي نص الطنجرة بحيث الدجاج ينغمر و يكون غزير و ساااخن
ليست هناك تعليقات:
إرسال تعليق